அடுத்த பயங்கரம்..இடிந்து விழுந்த மலை... கர்நாடகாவில் அதிர்ச்சி

கர்நாடக மாநிலம் முழுவதும் பெய்து வரும் கனமழையால் பல்வேறு மலைப்பகுதிகளில் நிலச்சரிவு ஏற்பட்டு வருகிறது. இந்நிலையில், ஹாசன் மாவட்டம், சக்லேஷ்பூர் தாலுகாவில் உள்ள தொட்டதோப்பிள் அருகே தேசிய நெடுஞ்சாலை 75-இல் சென்று கொண்டிருந்த கார், லாரி மற்றும் எரிவாயு டேங்கர் லாரி மீது மலை இடிந்து விழுந்தது. இதனால் அந்த பகுதியில் வாகன போக்குவரத்து நிறுத்தப்பட்டது. பல மணி நேரம் வாகனங்கள் அணிவகுத்து நிற்பதால், சாலை போக்குவரத்து பாதிப்பு ஏற்பட்டுள்ளது. தகவல் அறிந்து வந்த அதிகாரிகள், இடிபாடுகளை அகற்றும் பணியில் ஈடுபட்டனர்.