மருத்துவமனையில் இருந்து தப்பியோடிய கைதி சிக்கினார் - தனிப்படை போலீஸ் அதிரடி

மருத்துவமனையில் இருந்து தப்பியோடிய கைதி சிக்கினார் - தனிப்படை போலீஸ் அதிரடி

நாகர்கோவிலில் மருத்துவமனையில் சிகிச்சைக்காக அனுமதிக்கப்பட்டிருந்த கைதி தப்பி ஓடிய நிலையில், தப்பியோடிய கைதி நெல்லை வள்ளியூரில் வைத்து போலீசாரிடம் சிக்கினார்.

திருநெல்வேலி மாவட்டத்தை சேர்ந்த சதீஷ் , கொலை மற்றும் கொள்ளை உள்ளிட்ட பல்வேறு குற்ற வழக்குகளில் கைதாகி நாகர்கோவில் சிறையில் அடைக்கப்பட்டிருந்தார். இந்நிலையில், நீண்ட காலமாக உடலில் ஏற்பட்ட கட்டி காரணமாக அவதிப்பட்டு வந்த சதீஷுக்கு சிகிச்சை அளிப்பதற்காக ஆசாரிப்பள்ளம் அரசு மருத்துவ கல்லூரி மருத்துவமனையில் சதீஷ் கடந்த சனியன்று அனுமதிக்கப்பட்டிருந்தார். ஆனால் அங்கிருந்து சதீஷ் தப்பி ஓடிய நிலையில், தனிப்படை போலீசார் அவரை தீவிரமாக தேடி வந்தனர். இந்த நிலையில், நெல்லை மாவட்டம் வள்ளியூரில் வைத்து சதீஷ் கைது செய்யப்பட்டுள்ளார்.