சாப்பிட போன அடுத்த நொடி - கைவரிசை காட்டிய ஆசாமி - வெளியான சிசிடிவி காட்சி

காஞ்சிபுரத்தில் சமையல் சிலிண்டரைத் திருடிச் செல்லும் சிசிடிவி காட்சிகள் வெளியாகியுள்ளன... குன்றத்தூர் பகுதியில் உள்ள கேஸ் ஏஜென்சியில் இருந்து சோமங்கலம் , அதன் சுற்றுவட்டார பகுதிகளுக்கு சிலிண்டர் விநியோகிக்கப்பட்டு வரும் நிலையில் அடிக்கடி சிலிண்டர்கள் காணாமல் போய் வந்ததால் ஊழியர்களுக்கும் ஏஜென்சி மேலாளருக்கும் அவ்வப்போது வாக்குவாதம் ஏற்பட்டு வந்துள்ளது. இதனிடையே சமையல் சிலிண்டர் விநியோகம் செய்வதற்காக சோமங்கலம் அருகே புது நல்லூர் பகுதியில்

வாகனத்தை ஊழியர்கள் நிறுத்தியுள்ளனர்... அருகில் இருந்த உணவகத்தில் அவர்கள் சாப்பிட்டுக் கொண்டிருந்த போது மர்ம ஆசாமி சிலிண்டரை லாவகமாகத் திருடிச் சென்றதை அவ்வழியே சென்ற பொதுமக்கள் ஊழியர்களிடம் தெரிவித்துள்ளனர். சிசிடிவியை ஆதரமாக வைத்து போலீசார் விசாரணை நடத்தி வருகின்றனர்.