கல்வராயன் மலையில் தொடரும் வேட்டை... அதிரும் கள்ளக்குறிச்சி

கல்வராயன் மலையில் தொடரும் வேட்டை... அதிரும் கள்ளக்குறிச்சி

கள்ளக்குறிச்சி விஷ சாராய பலிகளை தொடர்ந்து, கல்வராயன் மலைப்பகுதியில் போலீசார் தீவிர சாராய வேட்டையில் ஈடுபட்டுள்ளனர்.

கள்ளக்குறிச்சி கருணாபுரம் பகுதியில் விஷ சாராயம் குடித்து 57 பேர் பலியான நிலையில், பலர் மருத்துவமனையில் தீவிர சிகிச்சையில் உள்ளனர். இதனிடையே, கல்வராயன் மலைப்பகுதியில், காவல் ஆய்வாளர்கள் தலைமையில் போலீசார் தீவிர சாராய வேட்டையில் ஈடுபட்டுள்ளனர். இதேபோன்று, கல்வராயன் மலையடிவாரப்பகுதிகளான பொட்டியம், மாயம்பாடி, மளிகைப்பாடி, கல்படை, மட்டபாறை, பரங்கிநத்தம் உள்ளிட்ட பகுதிகளிலும் தீவிர தேடுதல் நடைபெற்று வருகிறது. அதேநேரத்தில், இன்ஸ்பெக்டர் தலைமையிலான ஒரு தனிப்படை, கச்சிராயபாளையம், பரிக மண்மலை, செல்லம்பட்டு உள்ளிட்ட பகுதிகளில் சாராய விற்பனை நடைபெறுகிறதா, விற்பனை செய்யப்படுகிறதா என்பது குறித்து விசாரணை நடத்தி வருகிறது. சாராய வியாபாரிகளை தேடும் பணிகளிலும் அவர்கள் ஈடுபட்டுள்ளனர்.