கள்ளக்குறிச்சி ஈரம் காய்வதற்குள் விழுப்புரத்தில் அடுத்த சம்பவம்? - மீண்டும் நடுங்கவிட்ட வீடியோ

கள்ளக்குறிச்சி ஈரம் காய்வதற்குள் விழுப்புரத்தில் அடுத்த சம்பவம்? - மீண்டும் நடுங்கவிட்ட அதிர்ச்சி வீடியோ.. GHல் 3 பேர் அனும்தி

விழுப்புரம் மாவட்டத்தில் அரசுப் பள்ளி அருகே சாராய பாக்கெட்டுகள் விற்கப்படுவதாக வீடியோ வெளியான நிலையில், 3 பேரும் அரசு மருத்துவமனையில் அனுமதிக்கப்பட்டிருப்பது அதிர்ச்சியை ஏற்படுத்தியுள்ளது.

விழுப்புரம் மாவட்டம் டி.குமாரமங்கலம் கிராமத்தில் உள்ள அரசுப் பள்ளி அருகே இருசக்கர வாகனத்தில் ஒருவர் சாராய பாக்கெட்டுகள் எடுத்து விற்பனை செய்யும் வீடியோ வெளியாகி பரபரப்பை ஏற்படுத்தியுள்ளது. அதே பகுதியை சேர்ந்த டீக்கடை உரிமையாளர் ஜெயராமன், முருகன், சிவச்சந்திரன் ஆகியோர் சாராய பாக்கெட்டுகளை வாங்குவது போல் காட்சி இருந்த‌து. இந்நிலையில், அந்த மூன்று பேரும் அடுத்த நாள் உடல்நலக்குறைவு ஏற்பட்டு, இருவேல் பட்டு ஆரம்ப சுகாதார நிலையத்தில் அனுமதிக்கப்பட்டனர். அவர்களின் நிலைமை மோசமானதால், விழுப்புரம் அரசு மருத்துவ கல்லூரி மருத்துவமனைக்கு தீவிர சிகிச்சைக்கி அனுப்பி வைக்கப்பட்டனர். இதில் 65 வயதான ஜெயராமன் தீவிர சிகிச்சை பிரிவில் அனுமதிக்கப்பட்டுள்ளதாக கூறப்படுகிறது. கள்ளக்குறிச்சி சம்பவத்திற்கு பிறகு விழுப்புரத்தில் சாராயம் விற்றதாக வீடியோ வெளியான நிலையில் காவல்துறையினர் எந்த விளக்கமும் அளிக்காமல் விசாரணை மேற்கொண்டு வருகின்றனர்.