கள்ளக்குறிச்சி கலவர விவகாரம் - வாட்ஸ்சப் குழு அட்மின்கள் அதிரடி கைது

கள்ளக்குறிச்சி மாணவி உயிரிழப்பு தொடர்பாக, வாட்ஸ் அப் குழு அட்மின்கள் உட்பட 4 பேர் கைது செய்யப்பட்டுள்ளனர்.

கள்ளக்குறிச்சி தனியார் பள்ளியல் நடந்த கலவரம் தொடர்பாக, சிறப்பு புலனாய்வு போலீசார் விசாரணை நடத்தி வருகின்றனர். இந்நிலையில், சங்கராபுரம் புது பல்லகச்சேரி பகுதியை சேர்ந்த பரமேஸ்வரன், கச்சாகுடியை சேர்ந்த அய்யனார், வேப்பூரை சேர்ந்த விஜய், மட்டபாறையை சேர்ந்த துரைப்பாண்டி ஆகியோரை கைது செய்தனர். இவர்கள் மீது வாட்ஸ்ஆப் குழு அமைத்து கலவரத்தை தூண்டியதாக 15 பிரிவுகளின் கீழ் வழக்குப்பதிவு செய்த போலீசார், நீதிமன்றத்தில் ஆஜர் படுத்தி சிறையில் அடைத்தனர்.