ஊருக்குள் இறங்கிய `கருப்பு அரக்கன்'... அப்பாவி விவசாயிக்கு நேர்ந்த கதி... கொதிப்பில் மக்கள்

கள்ளக்குறிச்சி மாவட்டம் கல்வராயன் மலையில் காட்டெருமை தாக்கியதில் முதியவர் படுகாயம் அடைந்தார். கல்வராயன் மலையில் உள்ள தாழ்வெள்ளார் கிராமத்தைச் சேர்ந்த அண்ணாமலை என்பவர் தனது விவசாய நிலத்தில் வேலை செய்து கொண்டிருந்தார். அப்போது, அங்கு வந்த காட்டெருமை முட்டி தூக்கியதில் அவர் படுகாயம் அடைந்தார். இதுகுறித்து விசாரணை நடத்த வந்த வனத்துறையினரிடம், அகழி அமைத்து காட்டெருமை புகாமல் தடுக்க நடவடிக்கை எடுக்க வேண்டும் என பாதிக்கப்பட்டவரின் உறவினர்கள் கோரிக்கை விடுத்தனர்.