திருடு போன ஐயப்பன் சிலையை மீட்ட போலீசார்.. - தேம்பி தேம்பி அழுது மாலையிட்ட குருசாமி...

திருடு போய் கிடைத்த ஐயப்பன் சிலையை பார்த்து காவல் நிலையத்திலேயே ஆனந்த கண்ணீர் வடித்த நபரின் கையாலேயே சிலைக்கு போலீசார் மாலை அணிவிக்க வைத்தனர்.

திருவாரூர் தியாகராஜர் கோயிலுக்கு சொந்தமான பரவை நாச்சியார் கோயிலில் கடந்த 23ம் தேதி வெண்கல ஐயப்பன் சிலை திருடு போனது. இந்த சிலையை திருடிய தட்டான் கோயில் பகுதியை சேர்ந்த கோபு மற்றும் புலிவலம் பகுதியைச் சேர்ந்த ராதாகிருஷ்ணன் ஆகியோரை கைது செய்த போலீசார் அவர்களிடம் இருந்து சிலையை மீட்டனர். ஐம்பொன் சிலை என கருதி திருடியது விசாரணையில் தெரியவந்தது. சிலையை பார்த்ததும் காவல் நிலையத்தில் வைத்து தம்புடு குருசாமி தேம்பி தேம்பி அழுத நிலையில், அவரது கைகளால் சிலைக்கு போலீசார் மாலை அணிவிக்க செய்தனர்.

-