3 நாளாக விடிய விடிய நடந்த ஐடி ரெய்டு.. சிக்கியது என்ன? - நாமக்கல்லில் பரபரப்பு

நாமக்கல் மாவட்டம் திருச்செங்கோடு அருகே தனியார் கல்வி நிறுவனங்களில் 3 நாட்களாக நடைபெற்ற வருமான வரித்துறை சோதனை அதிகாலை நிறைவடைந்தது.

எளையாம்பாளையம் பகுதியில் அமைந்துள்ள மருத்துவம், நர்சிங், ஆசிரியர் பயிற்சி நிறுவனம் உள்ளிட்டவற்றை உள்ளடக்கிய தனியார் மகளிர் கல்வி நிறுவனங்களில் கடந்த மூன்று நாட்களாக வருமானவரித்துறை சோதனை நடைபெற்றது. இரவு பகலாக நடந்த இந்த சோதனை, இன்று அதிகாலை நிறைவடைந்தது. இதேபோல் கந்தம்பாளையம் பகுதியில் ரியல் எஸ்டேட் அதிபர் கோல்டன் ஹார்ஸ் ரவி வீட்டில் நடந்த வருமான வரித்துறை சோதனையும் நிறைவு பெற்றது. என்ன காரணத்திற்காக இந்த சோதனை நடைபெற்றது? பணம் அல்லது ஆவணங்கள் கைப்பற்றப்பட்டனவா என்பது குறித்து எந்த தகவலும் வருமானவரித் துறையினர் வெளியிடவில்லை.