காயத்துடன் வந்த சிறுவன் - பள்ளியை சுற்றி வளைத்த உறவினர்கள் - கிருஷ்ணகிரியில் பரபரப்பு

கிருஷ்ணகிரி மாவட்டம் மத்தூர்பதி அரசு தொடக்கப் பள்ளியில், வீட்டுப்பாடம் எழுதாததால், 3-ஆம் வகுப்பு மாணவனை தலைமை ஆசிரியர் புவனேஸ்வரி அடித்ததாக கூறப்படுகிறது. இதில் மாணவனுக்கு காயம் ஏற்பட்டதாக கூறப்படும் நிலையில், மாணவனின் உறவினர்கள் 30-க்கும் மேற்பட்டோர் பள்ளியை முற்றுகையிட்டனர். புத்தகமே வழங்காமல் வீட்டுப்பாடம் எழுதச்சொல்வதா என கேட்ட உறவினர்கள், தலைமை ஆசிரியர் மீது நடவடிக்கை எடுக்கவும் கோரிக்கை விடுத்தனர். தகவலறிந்த விரைந்த ஊராட்சிமன்ற தலைவர், மாணவனின் பெற்றோரை சமாதானம் செய்து அனுப்பி வைத்தார்.