அதிகரிக்கும் காற்று மாசு... மூச்சுவிடவே திணறும் திருவள்ளூர் மக்கள்

தீபாவளி பண்டிகை நாளை கொண்டாடப்பட உள்ள நிலையில், திருவள்ளூர் மாவட்டம் கும்மிடிப்பூண்டியில் காற்று மாசு அதிகரித்துள்ளது. தீபாவளிக்கு பட்டாசு வெடிக்க நேரக்கட்டுப்பாடு விதிக்கப்பட்டுள்ள நிலையில், கும்மிடிப்பூண்டியில் காற்றின் தரக்குறியீடு 230-ஆக உள்ளதாக, மாசுக்கட்டுப்பாட்டு வாரியம் தகவல் தெரிவித்துள்ளது. வழக்கமாக 100 முதல் 200 சதவீதம் வரை காற்று மாசு ஏற்படுவதாகவும், தமிழகத்திலேயே அதிகபட்சமாக கும்மிடிப்பூண்டியில் காற்று மாசு அதிகரித்துள்ளதாகவும் தெரிவிக்கப்பட்டுள்ளது. வயதானவர்களுக்கு மூச்சுத்திணறல் போன்ற உடல் உபாதைகள் ஏற்படுவதாகவும் கூறப்படுகிறது.