"3 நாட்களில் 4.70 லட்சம் பேர் சொந்த ஊர் சென்றுள்ளனர்" -அமைச்சர் சிவசங்கர்

தாம்பரம் மெப்ஸ் பேருந்து நிலையத்தில் ஆய்வு மேற்கொண்ட அமைச்சர், பயணிகளிடம் முன்பதிவு மேற்கொண்டது குறித்து கேட்டறிந்தார். தொடர்ந்து செய்தியாளர்களிடம் பேசிய அவர், சென்னையிலிருந்து பொதுமக்கள் சொந்த ஊர்களுக்கு செல்ல ஏதுவாக சிறப்பு பேருந்துகள் இயக்கப்பட்டு வருவதாக தெரிவித்தார். கடந்த 3 நாட்களில் 4 லட்சத்து 69 ஆயிரம் பயணிகள் அரசு பேருந்துகளில் பயணம் செய்துள்ளதாக கூறினார். வெள்ளிக்கிழமை மட்டும் ஒரே நாளில் 63 ஆயிரம் பேர் முன்பதிவு செய்ததாகக் கூறிய அமைச்சர், இதேபோல் தீபாவளி முடித்து சென்னை திரும்ப தேவையான ஏற்பாடுகள் செய்துள்ளதாக தெரிவித்தார்.