"மாட்டை பிடிக்க போனா எங்கள மிரட்டுறாங்க.."..மாடு முட்டிய விவகாரம்..அதிகாரிகள் பரபரப்பு விளக்கம்

சென்னை, திருவல்லிக்கேணியில் முதியவர் ஒருவர் மாடு முட்டி தூக்கி வீசப்பட்ட சம்பவத்தில் மாநகராட்சி அதிகாரிகள் மீது அப்பகுதி மக்கள் குற்றஞ்சாட்டியுள்ளனர்...திருவில்லிக்கேணி டிபி கோவில் தெருவை சேர்ந்தவர் கஸ்தூரி ரங்கன். முதியவரான இவர், தனது வீட்டின் அருகே இரவில் நடந்து சென்ற போது, மாடு முட்டி தூக்கி வீசப்பட்டார். தலையில் காயமடைந்து நிலைகுலைந்த முதியவர், மருத்துவமனையில் தீவிர சிகிச்சை பிரிவில் அனுமதிக்கப்பட்டிருக்கும் நிலையில், விசாரணை நடத்தி வரும் போலீசார், மாட்டின் உரிமையாளரை தேடி வருகின்றனர். இந்நிலையில், இதுபோன்ற சம்பவங்கள் நடக்கும் போது மட்டுமே மாநகராட்சி அதிகாரிகள் நடவடிக்கை எடுப்பதாகவும், முன்னெச்சரிக்கையாக எந்தவொரு நடவடிக்கையும் எடுப்பதில்லை எனவும் பகுதிமக்கள் குற்றஞ்சாட்டியுள்ளனர்.