வீட்டில் சடலமாக கிடந்த கணவன், மனைவி.. அதிர்ச்சியில் உறைந்த ஊர் மக்கள்-சங்கரன்கோவில் அருகே பரபரப்பு

பணவடலி சத்திரம் பகுதியை சேர்ந்த கனகராஜ் - சகுந்தலா தம்பதிக்கு, 2 குழந்தைகள் உள்ளன. மளிகைக் கடை வியாபாரம் நடத்தி வந்த நிலையில், திடீரென வீட்டில் தம்பதி இருவரும் தூக்கிட்ட நிலையில் இறந்து கிடந்தது உறவினர்களை அதிர்ச்சிக்கு உள்ளாக்கியது. இந்த சம்பவம் தொடர்பாக வழக்குப்பதிவு செய்த போலீசார், இருவரின் உடல்களையும் மீட்டு பிரேத பரிசோதனைக்கு அனுப்பி வைத்தனர். இதனிடையே, இந்த தற்கொலை சம்பவம் தொடர்பாக கோட்டாட்சியர் சுப்புலட்சுமி, சங்கரன்கோவில் மருத்துவமனையில் பிரேத பரிசோதனைக்காக வைக்கப்பட்டுள்ள இருவரின் உடல்களையும் பார்வையிட்டு ஆய்வு செய்த அவர், விசாரணையை தொடங்கியுள்ளார்.