ஊரையே குலைநடுங்கவிட்ட வெறிநாய் - 3 வயது குழந்தை உள்பட 9 பேர் உயிருக்கே வந்த அபாயம்

ஒசூர் அருகே வெறிநாய் கடித்து படுகாயமடைந்த 9 பேர் சிகிச்சைக்காக அரசு மருத்துவமனையில் அனுமதிக்கப்பட்டுள்ளனர்.

ஒசூர் அருகே உள்ள தொட்டமெட்டரை, சின்ன மெட்டரை மற்றும் பந்தரப்பள்ளி பகுதியில் வெறி நாய் ஒன்று பலரை துரத்தி சென்று கடித்து குதறியது. விளையாடி கொண்டிருந்த 3 வயது குழந்தை உள்பட 9 பேரை கடிந்த அந்த வெறி நாய் சாலையில் செல்வோரை எல்லாம் துரத்தியுள்ளது.

நாயிடம் கடி வாங்கிய அனைவரும் சிகிச்சைக்காக ஒசூர் அரசு மருத்துவமனையில் அனுமதிக்கப்பட்டுள்ள நிலையில் தெருவில் சுற்றித்திரிந்த வெறி நாயை பொதுமக்கள் அடித்து கொன்றதாக கூறப்படுகிறது.