வீடு புகுந்து சண்டைக்கு வந்த குடும்பம்.. தலைமுடியை அள்ளி முடிந்து அலறவிட்ட பெண் - பரபரப்பு காட்சி

வீடு புகுந்து சண்டைக்கு வந்த குடும்பம்.. தலைமுடியை அள்ளி முடிந்து அலறவிட்ட பெண் - பரபரப்பு காட்சி

ஒசூரில், கழிவுநீர் கால்வாய் அடைப்பால் ஏற்பட்ட பிரச்சனையால், இரு குடும்பத்தினரிடையே வாக்குவாதம் ஏற்பட்டு, வீடு புகுந்து தாக்க முயன்றதாக போலீசில் புகார் அளிக்கப்பட்டுள்ளது.

ஒசூர் சிப்காட் அருகே வசிக்கும் கல்யாண்குமார் மற்றும் அருகில் வசிக்கும் கார்த்திக் வீட்டின் முன்பு கழிவுநீர் கால்வாய் உள்ளது. கல்யாண்குமார் வீட்டின் முன்புறம் உள்ள கழிவு நீர் கால்வாயில் அடைப்பு ஏற்பட்டு, கார்த்திக் வீடு வரை சென்று தேங்கியதாக கூறப்படுகிறது. இதுதொடர்பாக இருகுடும்பத்தினர் இடையே வாக்குவாதம் ஏற்பட்டு, கல்யாண்குமார் வீட்டின் முன்பு கார்த்திக் குடும்பத்தினர் மற்றும் உறவினர்கள் தகராறில் ஈடுபட்டு, கல்யாண்குமார் வீட்டில் இருந்தவர்களை தாக்க முயன்றதாக கூறப்படுகிறது. அதுகுறித்த காட்சிகளை, கல்யாண்குமார் வீட்டில் இருந்தவர்கள் படம் பிடித்தனர். கல்யாண் குமார், அவரது மனைவி மற்றும் மகன் ராகுல் ஆகியோரை கார்த்திக் குடும்பத்தினர் தாக்கியதாக சிப்காட் காவல் நிலையத்தில் புகார் அளிக்கப்பட்டது. இதன்பேரில், இருதரப்பையும் போலீசார் காவல் நிலையத்திற்கு அழைத்துச் சென்று விசாரணை நடத்தி வருகின்றனர்.