சென்னையில் கொட்டி தீர்த்த மழை - வாகன ஓட்டிகள் அவதி

சென்னை மதுரவாயல் அருகே, மழையால் ஏற்பட்ட போக்குவரத்து நெரிசலால், இரண்டு ஆம்புலன்ஸ்கள் செல்ல முடியாமல் திணறின. கோயம்பேடு, மதுரவாயல், வானகரம் ஆலப்பாக்கம் உள்ளிட்ட பகுதிகளில் கனமழை பெய்த்தால், பல இடங்களில் மழைநீர் தேங்கியது. இதனால், கடும் போக்குவரத்து நெரிசல் ஏற்பட்டு வாகனங்கள் ஊர்ந்து சென்றன. 2 கிலோ மீட்டர் தொலைவுக்கு வாகனங்கள் அணிவகுத்து சென்ற போது, 2 ஆம்புலன்ஸ்கள் நெரிசலில் சிக்கின. அவசரமாக செல்ல வேண்டிய ஆம்புலன்ஸ்கள், மற்ற வாகனங்களோடு மெதுவாக நகர்ந்து செல்லும் அவல நிலை ஏற்பட்டது.