தமிழகத்தில் பல்வேறு பகுதிகளில் சூறைக்காற்றுடன் வெளுத்து வாங்கிய கனமழை
- ராணிப்பேட்டை மாவட்டத்தின் பல்வேறு பகுதிகளில் கனமழை பெய்தது. சோளிங்கர், அரக்கோணம், நெமிலி, காவேரிப்பாக்கம் உள்ளிட்ட பகுதிகளில் ஒரு மணி நேரத்திற்கும் மேலாக மழை கொட்டித்தீர்த்தது.
- இதனால், குளிர்ச்சி நிலவுவதால் பொதுமக்கள் மகிழ்ச்சி அடைந்துள்ளனர்.
- கன்னியாகுமரி மாவட்டம் திருவட்டாறு, சித்திரங்கோடு உள்ளிட்ட பகுதிகளலும் இடியுடன் கூடிய கனமழை பெய்தது. விவசாயத்திற்கு தேவையான தண்ணீர் கிடைத்துள்ளதாக விவசாயிகள் மகிழ்ச்சி தெரிவித்துள்ளனர்.
- தேனி மாவட்டம் பெரியகுளம் அதனைச் சுற்றியுள்ள மேற்கு தொடர்ச்சி மலை பகுதிகளில் மிதமான மழை பெய்தது. விட்டு விட்டு மழை பெய்து வருவதால் நீர் நிலைகளுக்கு நீர்வரத்து அதிகரித்துள்ளது.
- காஞ்சிபுரம் மற்றும் அதன் சுற்றுவட்டார பகுதிகளில் இடி, மின்னலுடன் மழை பெய்தது. ஓரிக்கை, செவிலிமேடு, சிறுவாக்கம், களியனூர் உள்ளிட்ட மழை வெளுத்து வாங்கியது. குளிர்ந்த சூழல் நிலவுவதால் மக்கள் மகிழ்ச்சி அடைந்துள்ளனர்.
Next Story
