போதையில் நண்பனுக்கு கொடுத்த Gift...ஆனால் நண்பனோ ரத்தம் சொட்ட சொட்ட மருத்துவமனையில்..பகீர் சம்பவம்

கோவை மாவட்டம் மேட்டுப்பாளையத்தில், மதுபோதையில் நண்பர்களுக்கு இடையே ஏற்பட்ட மோதலில், ஒருவர் அரிவாளால் வெட்டப்பட்டார். மேட்டுப்பாளையம் முனிசிபல் காலனியை சேர்ந்த ராஜ்குமார் என்பவர், தனது நண்பர்கள் செந்தில், கண்ணபிரான் ஆகியோருடன் மது அருந்தியதாக கூறப்படுகிறது. மூவரும், இரவில் மணிநகர் பகுதியில் நடந்து சென்றபோது தகராறு ஏற்பட்டுள்ளது. இதில் ஆத்திரமடைந்த செந்தில், கண்ணபிரான் ஆகியோர், தாங்கள் மறைத்து வைத்திருந்த அரிவாளால் ராஜ்குமாரை வெட்டிவிட்டு தப்பியோடினர். காயமடைந்த ராஜ்குமாரை அக்கம்பக்கத்தினர் மீட்டு அரசு மருத்துவமனையில் சேர்த்தனர். சம்பவம் குறித்து போலீசார் விசாரணை நடத்தி வருகின்றனர்.