30KM விரட்டி 12ம் வகுப்பு மாணவன் சுட்டுக்கொலை... இந்தியாவையே அதிரவைத்த அடுத்த அதிர்ச்சி

30KM விரட்டி 12ம் வகுப்பு மாணவன் சுட்டுக்கொலை... இந்தியாவையே அதிரவைத்த அடுத்த அதிர்ச்சி

ஹரியானாவில், பசுவை கடத்துபவர் என தவறாக நினைத்து 12ம் வகுப்பு மாணவர் துப்பாக்கியால் சுட்டுக்கொல்லப்பட்டார்.

ஹரியானாவை சேர்ந்த மாணவர் ஆரியன் மிஷ்ரா, தனது நண்பர்களுடன் டெல்லி-ஆக்ரா சாலையில், கடந்த 23ம் தேதி காரில் சென்று கொண்டிருந்தார். அப்போது, சிலர் பசுக்களை கடத்துவதாக பசுக் காவல் குழுவினருக்கு தகவல் கிடைத்தது. அதன் அடிப்படையில் வாகன சோதனை நடத்தியபோது, கார் நிற்காமல் சென்றது.

இதனால் பசு கடத்துபவர்கள் என நினைத்து, பசுக் காவல் குழுவினர், சுமார் 30 கிலோமீட்டர் தூரத்திற்கு வாகனத்தை துரத்திச் சென்றனர். பின்னர் காரை நோக்கி துப்பாக்கியால் சுட்டதில், ஆரியன் மிஸ்ராவின் கழுத்தில் துப்பாக்கி குண்டுகள் பாய்ந்தது. இதையடுத்து, பசுக்காவல் குழுவினர் காரை சோதனை செய்ததில், 2 பெண்கள் அமர்ந்திருந்தது தெரியவந்தது. தவறான நபர்களை சுட்டதை உணர்ந்து பசுக் காவல் குழுவினர் அங்கிருந்து தப்பியோடினர்.

மருத்துவமனையில் சிகிச்சை பலனின்றி ஆரியன் மிஷ்ரா உயிரிழந்த நிலையில், சம்பவம் தொடர்பாக போலீசார் வழக்குப்பதிந்து, 5 பேரை கைது செய்தனர்.