விரக்தியில் மாற்றுத்திறனாளி எடுத்த விபரீத முடிவு - பரபரப்பை கிளப்பிய ஒற்றை வீடியோ

கன்னியாகுமரியில் மாற்றுத்திறனாளி ஒருவர், த*கொலை செய்து கொள்ளப்போவதாக கூறி வீடியோ வெளியிட்டு ஆதங்கத்தை கொட்டி இருப்பது பரபரப்பை ஏற்படுத்தி இருக்கிறது. மார்த்தாண்டம் அடுத்த மருதங்கோடை சேர்ந்தவர் முரளீதரன். மாற்றுத்திறனாளியான இவரின் வீட்டின் முன், அதே பகுதியை சேர்ந்த ஆட்டோ ஓட்டுநர் ஒருவர், அவரது ஆட்டோவை நிறுத்தி இடையூறு செய்வதாக கூறப்படுகிறது. இது குறித்து தட்டிக்கேட்டால் தனக்கு கொலை மிரட்டல் விடுக்கப்படுவதாக குற்றம் சுமத்திய முரளீதரன், போலீசில் புகாரளித்தும் நடவடிக்கை இல்லை என வீடியோ வெளியிட்டு ஆதங்கத்தை கொட்டி இருக்கிறார். வீடியோவில், தான் த*கொலை செய்து கொள்ளும் எண்ணத்தில் இருப்பதாக அவர் பேசியிருப்பது பரபரப்பை ஏற்படுத்தி இருக்கும் நிலையில், போலீசார் விசாரணை நடத்தி வருகின்றனர்.