மையாவாடியில் அடையாளம் தெரியாத நபர் வெட்டி படுகொலை - தூத்துக்குடியில் பயங்கரம்

தூத்துக்குடி மாவட்டம் மையாவாடி பகுதியில் அடையாளம் தெரியாத நபர் வெட்டி படுகொலை செய்யப்பட்டது குறித்து போலீசார் விசாரணை மேற்கொண்டுள்ளனர். மையாவாடியில் அரிவாளால் வெட்டப்பட்ட நிலையில் ஆண் சடலம் கிடப்பதாக கிடைத்த தகவலின்பேரில் போலீசார் நிகழ்விடத்திற்கு விரைந்து சென்றனர். அங்கிருந்த அரிவாளை கைப்பற்றிய போலீசார், கொலை குறித்து விசாரணை மேற்கொண்டுள்ளனர். இதனிடையே தூத்துக்குடியில் கடந்த இரண்டு மாதங்களில் 10-க்கும் மேற்பட்ட கொலைகள் நடைபெற்றுள்ளதாக கூறப்படும் நிலையில், போலீசார் முறையாக ரோந்து செல்ல வேண்டுமென கோரிக்கை எழுந்துள்ளது.