அயோத்தி ராமருக்காக ரூ.11 கோடியில் குஜராத் தொழிலதிபர் கொடுத்த தங்க கிரீடம்

அயோத்தி ராமர் கோயிலில் பால ராமரின் பிராண பிரதிஷ்டை நேற்று கோலாகலமாக நடைபெற்றது. இந்நிலையில், குஜராத் மாநிலம் சூரத்தை சேர்ந்த தொழிலதிபர் முகேஷ் பட்டேல், 6 கிலோ எடை கொண்ட பிரத்யேக தங்க கிரீடத்தை, கோயில் நிர்வாக அதிகாரிகளிடம் காணிக்கையாக வழங்கியுள்ளார்.

சுமார் 11 கோடி ரூபாய் மதிப்புள்ள இந்த தங்க கிரீடத்தில், வைரக்கற்கள் மற்றும் அரியவகை நவரத்தின கற்கள் பதிக்கப்பட்டுள்ளன. கிரீடத்தில் 4 கிலோ தங்கமும், எஞ்சிய 2 கிலோ எடையில் வைரம், முத்து, மாணிக்க கற்களும் உள்ளன. தங்க கிரீடம் மட்டுமின்றி, அயோத்தி ராமருக்கு சில நகைகளையும் தொழிலதிபர் முகேஷ் பட்டேல் காணிக்கையாக வழங்கியுள்ளார்.

Gujarat businessman gold crown for Ayodhya Rama