"படிப்பிற்கு ஏழ்மை ஒரு தடையில்லை.." பீடித் தொழிலாளியின் மகள் குரூப் 1 தேர்வில் வெற்றி

பீடி சுற்றும் தொழிலாளியின் மகள் ஸ்ரீமதி, குரூப்-1 தேர்வில் வெற்றி பெற்றதை தொடர்ந்து பல தரப்பினரும் வாழ்த்து தெரிவித்து வருகின்றனர். இது தொடர்பாக அரசு வெளியிட்டுள்ள செய்தி குறிப்பில், பொருளாதார வசதி இல்லாததால், வீட்டிலிருந்தே படித்த தென்காசியைச் சேர்ந்த ஸ்ரீமதி, விடாமுயற்சியுடன் 3வது முறையாக குரூப் 1 தேர்வு எழுதி தேர்ச்சி பெற்றுள்ளதாக குறிப்பிடப்பட்டுள்ளது. படிப்புக்கு ஏழ்மை ஒரு தடையில்லை என்பதை வென்றுகாட்டிய ஸ்ரீமதிக்கும் அவருடைய பெற்றோருக்கும் பாராட்டு குவிந்து வருவதாக செய்தி குறிப்பில் கூறப்பட்டுள்ளது.