கங்கை ஆற்றில் பிடித்த சாபம் - இது 3வது முறை.. அதிர்ச்சி காட்சி

பீகார் மாநிலம் பாகல்பூரில் கங்கை நதியின் மீது கட்டப்பட்டு வரும் அகுவானி பாலம் 3வது முறையாக இடிந்து விழுந்தது.

பீகார் மாநிலத்தில் ஆயிரத்து 710 கோடி ரூபாய் செலவில், கங்கை ஆற்றின் குறுக்கே கட்டப்பட்டு வரும் அகுவானி-சுல்தாங்கஞ்ச் பாலத்தின் ஒரு பகுதி இன்று இடிந்து விழுந்தது. ஒன்பது மற்றும் 10வது தூண்களுக்கு இடையே உள்ள பாலத்தின் ஒரு பகுதி இடிந்து விழுந்தது. இந்த சம்பவத்தில் காயங்கள் எதுவும் ஏற்படவில்லை. ஒன்பது ஆண்டுகளாக கட்டுமானப்பணியில் உள்ள சுமார் 3 கிலோ மீட்டர் நீளம் கொண்ட இந்த பாலத்தின் சில பகுதிகள், ஏற்கனவே, கடந்த 2022ம் ஆண்டு ஏப்ரலிலும், கடந்த ஆண்டு ஜூன் மாதத்திலும் இடிந்து விழுந்தன. நிதிஷ் குமார் அரசின் முதன்மைத் திட்டமாகக் கருதப்படும் அகுவானி-சுல்தங்கஞ்ச் பாலம், மாநிலத்தின் வடக்கு மற்றும் தெற்குப் பகுதிகளுக்கு இடையே ஒரு முக்கிய இணைப்பாக இருக்கும் என கருதப்படுகிறது. கடந்த 2014-ல் கட்டுமானப் பணி தொடங்கப்பட்டாலும், இதுவரை 45 சதவீதம் மட்டுமே நிறைவடைந்துள்ளது.