முதலில் பைக்... அடுத்து கார் - திருடிய காரில் ஊட்டிக்கு சுற்றுலா சினிமா பாணியில் சேசிங்... | Ooty

முதலில் பைக்... அடுத்து கார் - திருடிய காரில் ஊட்டிக்கு சுற்றுலா சினிமா பாணியில் சேசிங்... | ஊட்டி

ன்னியாகுமரியில், திருடிய சொகுசு காரில் சுற்றுலா சென்ற 2 சிறுவர்கள் உட்பட நான்கு பேரை, போலீசார் சினிமா பட பாணியில் மடக்கி பிடித்துள்ளனர்.

நித்திரவிளை அருகே வீட்டின் முன் நிறுத்தி இருந்த சொகுசு காரை காணவில்லை என சுஜின் என்பவர் காவல்நிலையத்தில் புகார் அளிந்திருந்தார். இது தொடர்பாக சிசிடிவி காட்சிகளை போலீசார் ஆய்வு செய்தபோது, கார் திருடப்பட்ட இடத்தில் இருந்த இருசக்கர வாகனத்தை இளைஞர்கள் நோட்டமிட்டு திருடிச் சென்றதும், அதில் காரின் சாவி இருந்ததை அறிந்து, மீண்டும் வந்து இருசக்கர வாகனத்தை நிறுத்திவிட்டு, காரை தள்ளிச் சென்றதும் தெரியவந்தது. தொடர்ந்து பல்வேறு பகுதிகளில் கண்காணிப்பு கேமராவை ஆய்வு செய்து வந்த போலீசார், மகேந்திரகிரி அருகே அடையாளங்கள் மாற்றப்பட்ட காரை சந்தேகத்தின் பேரில் பின் தொடர்ந்தனர். அப்போது போலீசார் பின்தொடர்வதை அறிந்த இளைஞர்கள் காரில் தப்ப முயன்றபோது, தனிப்படை போலீசார் அவர்களை மடக்கி பிடித்தனர். விசாரணையில், காரில் இருந்த 4 பேரில் 2 பேர் பள்ளி மாணவர்கள் என்பது தெரியவந்தது. மேலும் பல்வேறு திருட்டு சம்பவங்களில் ஈடுபட்டதும், தற்போது திருடிய காரில் ஊட்டிக்கு சுற்றுலா சென்றதும் அம்பலமானது.