உயிரோடு இருப்பவருக்கு சடங்கு செய்யும் வினோத திருவிழா

திருச்சி மாவட்டம் மணப்பாறை அருகே உயிருடன் இருப்பவர்களை சடலமாக படுக்கவைத்து சடங்குகளைச் செய்யும் விநோத திருவிழா, நடைபெற்றது.

பின்னத்தூரில் பொட்டல்மேடு என்ற இடத்தில் உள்ள மாரியம்மன் மற்றும் கலுவடியான் கோவிலில் 9 ஆண்டுகளுக்கு பிறகு இவ்வாண்டு திருவிழா கடந்த 4 ம்தேதி தொடங்கியது. ஒவ்வொரு நாளும் பொங்கல் வைத்தல் நிகழ்வுகளும், சிறப்பு அபிஷேகமும் நடைபெற்றது. இதனைத்தொடர்ந்து திங்களன்று மாரியம்மனுக்கு பொங்கல் வைத்தல் ஆடு பலியிடுதல் மாவிளக்கு, அக்னி சட்டி எடுத்தல் மற்றும் அலகு குத்துதல் நிகழ்ச்சிகளும் நடைபெற்றது. தொடர்ந்து பிற்பகல் சாமி கழுகுமரம் ஏறுதல் என்ற விநோத நிகழ்ச்சி நடைபெற்றது.