பெண் கவுன்சிலருக்கு கத்திக்குத்து...தென்காசியில் பயங்கரம்

தென்காசியில், அதிமுக பெண் கவுன்சிலர் சரமாரியாக கத்தியால் குத்தப்பட்ட சம்பவம் அதிர்ச்சியை ஏற்படுத்தியுள்ளது. கடையம் அருகே பாப்பான்குளம் பகுதியைச் சேர்ந்தவர் தங்கம். இவர் கடையம் யூனியன் 9-வது வார்டு கவுன்சிலராக பதவி வகித்து வருகிறார். இந்நிலையில், இவர் நேற்று இரவு தனது இருசக்கர வாகனத்தில் வீடு திரும்பிய போது, அவரை பின்தொடர்ந்த மர்ம நபர், அவரைக் கத்தியால் சரமாரியாக குத்திவிட்டு தப்பியோடிவிட்டார். இதைத் தொடர்ந்து, படுகாயங்களுடன் மீட்கப்பட்ட தங்கம், மருத்துவமனையில் அனுமதிக்கப்பட்டுள்ளார். சம்பவம் தொடர்பாக போலீசார் வழக்கு பதிவு செய்து விசாரணை மேற்கொண்டு வருகின்றனர்.