போலி சாமியாரை தொங்கவிட்டு தோலை உரித்த மக்கள்.. விழுப்புரத்தில் பகீர்

விழுப்புரம் மாவட்டத்தில் சிறுமிக்கு பாலியல் தொல்லை கொடுத்த போலி சாமியாரை பொதுமக்கள் கட்டி வைத்து தர்ம அடி கொடுத்தனர்..

கோலியனூர் பகுதியில் உள்ள பிரசித்தி பெற்ற புத்துவாயம்மன் கோயிலுக்கு, பக்தர்கள் சிலர் சாமி தரிசனம் செய்ய வந்தனர். இந்நிலையில், அதே பகுதியை சேர்ந்த பெண் ஒருவர், தனது 10 வயது மகளுடன் சாமி தரிசனம் செய்ய வந்துள்ளார். அப்போது, அங்கு சாமியார் வேடமணிந்து சுற்றித்திரிந்த 40 வயது மதிக்கத்தக்க நபர், அந்த சிறுமிக்கு பாலியல் தொல்லை கொடுத்ததாக கூறப்படுகிறது. இதனால், அதிர்ச்சி அடைந்த சிறுமியின் தாய் கத்தி கூச்சலிட்டுள்ளார். உடனே அங்கிருந்து தப்ப முயன்ற, அந்த நபரை விரட்டி சென்று பிடித்த பொதுமக்கள் கட்டி வைத்து தர்ம அடி கொடுத்தனர். தகவலின் பேரில், அங்கு வந்த போலீசார், அந்த நபரை கைது செய்து விசாரணை மேற்கொண்டு வருகின்றனர்....