மனைவி கண்முன்னே கணவனை சட்டையை உருவி அடித்த கும்பல் - போதையில் அட்ராசிட்டி செய்த Ex - போலீஸ்...

சென்னை, பட்டினப்பாக்கம் அருகே நடந்த இந்த சம்பவத்தில், சாலையில் வழிவிடுவதில் ஏற்பட்ட தகராறு கைகலப்பில் முடிந்துள்ளது. சென்னை ஜார்ஜ் டவுன் பகுதியை சேர்ந்த மணிவண்ணனை, ஒரே காரில் பயணம் செய்த ஐந்து பேர் மதுபோதையில் தாக்கியதாக கூறப்படுகிறது. தாக்குதல் சம்பவம் போலீசார் கண்முன்னே நடந்திருப்பது பரபரப்பை கூட்டிய நிலையில், மணிவண்ணனை தாக்கிய கும்பலில் ஒருவர் ஓய்வுப் பெற்ற காவல் உதவியாளர் எனவும் சொல்லப்படுகிறது. வீடியோ ஆதாரங்களின் அடிப்படையில் சம்பவம் குறித்து தீவிர விசாரணை நடத்திவந்த போலீசார், திருவொற்றியூரைச் சேர்ந்த பாஜக நிர்வாகி கார்த்திக் ராஜா உட்பட மூவரை கைது செய்து விசாரணை நடத்தி வருகின்றனர். மேலும், போலீசார் கண்முன்னே தாக்குதல் நடந்திருப்பதால், சம்பவத்தன்று பட்டினப்பாக்கம் சிக்னலில் பணியில் இருந்த போக்குவரத்து போலீசாரிடமும் சட்டம் ஒழுங்கு காவல் உயர் அதிகாரிகள் விசாரணை நடத்தி வருகின்றனர்.