மின்வேலியை ஒரே மிதியில் நொறுக்கிய காட்டு யானை.. ஒரு நிமிடம் நினைவுக்கு வரும் `நரசிம்மா’ டயலாக்

சோலார் மின்வேலியில் மின்சாரம் இருப்பது தெரிந்தும், மின்வேலியை காலால் உடைத்துக்கொண்டு சென்ற காட்டு யானையை பார்த்து மக்கள் அதிர்ச்சி அடைந்துள்ளனர். நீலகிரி மாவட்டம் கூடலூரை சுற்றியுள்ள குடியிருப்புகள், தோட்டங்களுக்குள் காட்டு யானை புகாமல் இருக்க சோலார் மின்வேலி அமைத்துள்ளனர். குந்தலாடி பகுதியில் நேற்று இரவு சாலை மார்க்கமாக வந்த ஒரு காட்டு யானை, தோட்டத்துக்கு அமைக்கப்பட்ட சோலார் மின்வேலியில் மின்சாரம் இருப்பது தெரிந்தும், அச்சமில்லாமல் அதை காலால் உடைத்து கொண்டு பிளிறியபடி சென்றது. யானை புகுவதை தடுக்க மின்வேலிகளை அமைத்து தருமாறு அரசுக்கு மக்கள் கோரிக்கை வைத்துள்ள சூழலில், இந்த காட்சி மூலம் அந்தத் திட்டம் கேள்விக்குறியாகி உள்ளது.