"இவர்களுக்கு மின் கட்டணம் உயர்வு இல்லை" - மின்வாரியம் சொன்ன புதிய தகவல்

மின் கட்டணத் திருத்தம் 2024ல், ஒரு கோடி நுகர்வோருக்கு மின் கட்டண உயர்வு இல்லை என தெரிவிக்கப்பட்டுள்ளது. தமிழ்நாட்டில் 2 கோடியே 47 லட்சம் வீடு மற்றும் குடிசை மின் நுகர்வோர் உள்ளனர். அவர்களில், ஒரு கோடி நுகர்வோருக்கு, மின்கட்டணத்தில் மாற்றம் எதுவும் இல்லை என கூறப்பட்டுள்ளது. 200 யூனிட் வரை மின்சாரம் பயன்படுத்தும் 63 லட்சம் நுகர்வோருக்கு, மாதம் 5 ரூபாய் மட்டும் உயர்த்தப்பட்டுள்ளதாகவும், 300 யூனிட் வரை பயன்படுத்தும் 35 லட்சம் நுகர்வோருக்கு மாதம் 15 ரூபாய் மட்டும் உயர்த்தப்பட்டுள்ளதாகவும் தெரிவிக்கப்பட்டுள்ளது. 400 யூனிட் வரை பயன்படுத்தும் 25 லட்சம் நுகர்வோருக்கு மாதம் 25 ரூபாயும், 500 யூனிட் வரை பயன்படுத்தும் 13 லட்சம் நுகர்வோருக்கு மாதம் 40 ரூபாய் மட்டும் உயர்த்தப்பட்டுள்ளதாக கூறப்பட்டுள்ளது.