3-ம் கட்ட தேர்தலுக்கான வேட்பு மனுதாக்கல் இன்று தொடக்கம்

மக்களவைத் தேர்தலில் முதற்கட்ட மற்றும் 2ம் கட்ட தேர்தலுக்கான வேட்பு மனுத் தாக்கல் நிறைவடைந்து உள்ள நிலையில், 3-ம் கட்ட தேர்தலுக்கான வேட்பு மனுத்தாக்கல் இன்று தொடங்குகிறது.2024 மக்களவைத் தேர்தல் ஏப்ரல் 19-ந்தேதி தொடங்கி, ஜூன் 1-ந்தேதி வரை 7 கட்டங்களாக நடைபெற உள்ளது. தேர்தலில் பதிவான வாக்குகள் ஜூன் 4-ந்தேதி எண்ணப்படுகின்றன. மகாராஷ்டிரா, மத்திய பிரதேசம், உத்தர பிரதேசம் உள்ளிட்ட 12 மாநிலங்கள் மற்றும் யூனியன் பிரதேசங்களுக்கான நாடாளுமன்றத் தேர்தலின் 3-ம் கட்ட வாக்குப்பதிவு மே 7-ஆம் தேதி நடைபெறுகிறது. மொத்த 94 தொகுதிகளில் நடக்கும் 3ம் கட்ட தேர்தலுக்கான வேட்புமனுத்தாக்கல் இன்று தொடங்குகிறது.ஏப்ரல் 19-ஆம் தேதி வரை 3ம் கட்ட தேர்தலுக்கான வேட்புமனுத்தாக்கல் நடைபெற உள்ளது. வேட்புமனுத்தாக்கல் மீதான பரிசீலனை ஏப்ரல் 20-ஆம் தேதியும், மனுக்களை வாபஸ் பெறுவதற்கான கடைசி நாள் ஏப்ரல் 22-ஆம் தேதி என அறிவிக்கப்பட்டுள்ளது.