சிறையில் இருந்து காதலன் ஸ்கெட்ச் - களத்தில் இறங்கி அடித்த காதலி - கண்டம் விட்டு கண்டம் நெட்வொர்க்

சிறையில் இருந்து காதலன் ஸ்கெட்ச் - களத்தில் இறங்கி அடித்த காதலி - கண்டம் விட்டு கண்டம் நெட்வொர்க் - கிறுகிறுக்கவிட்ட ராஜபோதை கேஸ்

போதைப்பொருள் வழக்கில் கைதாகி, பெங்களூரு சிறையில் இருக்கும் உகாண்டா இளைஞரை கோவை மதுவிலக்கு போலீசார் கைது செய்துள்ளனர்.

கோவை நகரில் கடந்த ஜூன் மாதம், மாநகர மதுவிலக்கு அமலாக்கப்பிரிவு போலீசார் நடத்திய சோதனையில், மெத்தபெட்டமைன் என்ற உயர்ரக போதைப்பொருளை விற்பனை செய்த 6 இளைஞர்களை கைது செய்தனர்.

அவர்கள் கொடுத்த தகவலின்படி, திண்டுக்கல்லை சேர்ந்த பிரவீன் குமார், கோவை ராமநாதபுரத்தை சேர்ந்த வினோத் ஆகியோருக்கு இதில் தொடர்பு இருப்பது தெரியவந்தது.

அதன் தொடர்ச்சியாக, கென்யாவை சேர்ந்த இவி போனுகே என்ற இளம்பெண்ணை கைது செய்து விசாரித்தபோது, பெங்களூரு சிறையில் இருக்கும் அவருடைய காதலன் ஐவன் கபோங்கே மூளையாக செயல்பட்டது தெரியவந்து. (card-4)

உகாண்டாவைச் சேர்ந்த ஐவன் கபோங்கே, சிறையில் இருந்தபடி கூட்டாளிகளை இயக்கியது தெரியவந்தது. இதையடுத்து பெங்களூரூ சிறையில் உள்ள ஐவன் கபோங்கேவை கோவை மதுவிலக்கு போலீசார் கைது செய்து, கோவையில் உள்ள சிறப்பு நீதிமன்றத்தில் ஆஜர்படுத்தினர்.

அவரை ஆகஸ்ட் 7-ஆம் தேதி வரை சிறையில் அடைக்க நீதிபதி உத்தரவிட்டதால் மீண்டும் பெங்களூரு சிறைக்கு அழைத்துச் செல்லப்பட்டார். அவரை போலீஸ் காவலில் எடுத்து விசாரிக்க கோவை போலீசார் முடிவு செய்துள்ளனர்.