தீபாவளி கொண்டாடிய நேரத்தில் நடந்த சோக சம்பவம் பட்டாசுகளுடன் பைக்கில் சென்றவர் பலி

எறையூர் கிராமத்தைச் சேர்ந்த டேவிட் வில்சன், பவுல்ராஜ் ஆண்டனி, பிரேம்குமார் ஆகிய மூவரும் தீபாவளி பட்டாசுகளை வாங்கிக் கொண்டு இருசக்கர வாகனத்தில் வைத்து தங்களது வீடுகளுக்கு எலவனாசூர் கோட்டை எறையூர் சாலையில் சென்று கொண்டிருந்தனர். அப்போது எறையூர் கிராமத்தில் ராக்கெட் வெடி ஒன்று டேவிட் வில்சன் ஓட்டி வந்த இருசக்கர வாகனத்தின் மீது வந்து விழுந்தது... இதில் நடுவில் பட்டாசு பெட்டிகளை பிடித்து கொண்டு இருந்த டேவிட் வில்சன் கழுத்து பகுதியில் இருந்து இடுப்பு பகுதி முழுவதும் தீக்காயம் ஏற்பட்டு சிகிச்சை பலனின்றி உயிரிழந்தார். மற்ற இருவரும் தீவிர சிகிச்சையில் உள்ளனர்... இவ்விபத்து குறித்து போலீசார் வழக்கு பதிந்து விசாரணை மேற்கொண்டுள்ளனர்.