நெருங்கும் தீபாவளி..சென்னை மக்கள் கவனத்திற்கு..

தீபாவளிப் பண்டிகையை யொட்டி சென்னையில் மூன்றடுக்கு போலீஸ் பாதுகாப்பு போடப்பட்டுள்ளது. தீபாவளியை முன்னிட்டு, புத்தாடைகள், பொருட்கள் வாங்கவும், வெளியூர் செல்வதற்கும் முக்கிய இடங்களில் பொதுமக்கள் அதிகம் கூடும் நிலையில், சென்னை பெருநகர காவல்துறை சார்பில் விரிவான பாதுகாப்பு ஏற்பாடுகள் செய்யப்பட்டுள்ளன. தியாகராய நகர், பாண்டிபஜார், புரசைவாக்கம், மயிலாப்பூர், பூக்கடை, வண்ணாரப்பேட்டை கோயம்பேடு ஆகிய பகுதிகளில் பாதுகாப்பு ஏற்பாடுகள் செய்யப்பட்டுள்ளன. கூட்ட நெரிசலை கட்டுப்படுத்தவும், குற்றச்செயல்களை தடுக்கவும் நடவடிக்கை மேற்கொள்ளப்பட்டுள்ளது.