நெருங்கும் தீபாவளி பண்டிகை.. சிவகாசியில் இருந்து வந்த அதிர்ச்சி தகவல்

சிவகாசி பட்டாசு தொழிற்சாலைகளில் தொடர்ச்சியாக நடத்தப்படும் ஆய்வுகளால், உற்பத்தியில் தட்டுப்பாடு ஏற்படும் அபாயம் நிலவுவதாக கூறப்படுகிறது.

நடப்பு ஆண்டின் தீபாவளி பண்டிகை மற்றும் பல்வேறு நிகழ்வுகளை முன்னிட்டு, சிவகாசியில் பட்டாசு தயாரிப்பு பணி விறுவிறுப்பாக நடைபெற்று வருகிறது. மேலும், வடமாநிலங்களுக்கும் கணிசமான அளவு பட்டாசுகள் அனுப்பப்படுகின்றன. இந்நிலையில், விபத்து மற்றும் பாதுகாப்பு குறித்த காரணங்களை சுட்டிக்காட்டி, பட்டாசு தொழிற்சாலைகளில் தொடர்ச்சியாக நடைபெற்று வரும் ஆய்வுகளால், உற்பத்தியில் மந்த நிலை நிலவி வருவதாக உற்பத்தியாளர்கள் கூறுகின்றனர். தீபாவளிக்கு சுமார் 50 நாள்களே உள்ள நிலையில், 20 விழுக்காடுக்கும் மேல் பட்டாசு உற்பத்தி பாதிக்கப்பட்டுள்ளதால், தட்டுப்பாடு ஏற்படும் அபாயம் இருப்பதாக உற்பத்தியாளர்கள் கவலையடைந்துள்ளனர்.