பணம் கொடுக்கல் வாங்கல் தகராறு..நண்பனை கொலை செய்த சோகம் - உடலை கழிவுகள் கொட்டும்...

கோவை மாவட்டம் பொள்ளாச்சியில், பணம் கொடுக்கல் வாங்கல் தகராறில் மதுபோதையில் நண்பனை அடித்துக்கொலை செய்த இளைஞர்கள் 2 பேரை போலீசார் கைது செய்தனர். பொள்ளாச்சியைச் சேர்ந்த அருண்கார்த்திக் என்பவர் வீடு திரும்பாதது குறித்து போலீசாரிடம் புகாரளிக்கப்பட்டது. புகாரின் பேரில் அவரது செல்போன் சிக்னலை வைத்து, சந்திராபுரத்தை சேர்ந்த நெருங்கிய நண்பர்கள் 2 பேரை போலீசார் விசாரித்தனர். அதில் பணம் கொடுக்கல் வாங்கல் தொடர்பாக பேச வேண்டும் எனக்கூறி இருவரும் அருண்கார்த்திக்கை வரவழைத்து, பின்னர் மது அருந்தியதாக கூறப்படுகிறது. அப்போது ஏற்பட்ட தகராறில், அருண்கார்த்திக்கை இருவரும் தாக்கியதில் அவர் உயிரிழந்ததும், உடலை குவாரிக்கு அருகேயுள்ள கழிவுகள் கொட்டும் இடத்தில் புதைத்ததும் தெரியவந்தது.