திண்டுக்கல்லை அதிரவைத்த வீடியோ - இன்ஸ்பெக்டர் மீது பாய்ந்த அதிரடி நடவடிக்கை

மாமுகோவிலூரைச் சேர்ந்த விவசாயி முகமது நஸ்ருதீன் வளர்த்து வந்த மாடு, கடந்த சில மாதங்களுக்கு முன்பு காணாமல் போனது. இது குறித்து அவர் தாலுகா காவல் நிலையத்தில் புகார் அளித்தார். அதோடு, மாவட்ட ஆட்சியர், எஸ்பியிடமும் புகார் அளித்தார். இது குறித்து பல முறை தாலுக்கா காவல்நிலையம் சென்று கேட்டுள்ளார். வழக்கம்போல், நேற்றும் காவல்நிலையம் சென்று கேட்டபோது, செல்போனில் படம் பிடித்துள்ளார். இதற்கு எதிர்ப்பு தெரிவித்து, ஆய்வாளர் சந்திரமோகன், செல்போனை பிடுங்கி தாக்கியதாக கூறப்படுகிறது. இந்த காட்சி சமூகவலைதளங்களில் பரவிய நிலையில், தாலுகா காவல் நிலையத்தில் பணி புரியும் ஆய்வாளரின் வாகன ஓட்டுநர் உபைது ரஹ்மான், தற்காலிக பணி நீக்கம் செய்யப்பட்டார். காவல் ஆய்வாளர் சந்திரமோகனும் பணியிட மாற்றம் செய்யப்பட்டு துறை ரீதியான விசாரணை நடைபெற்று வருகிறது.