கொடைக்கானலை அலறவிடும் அரக்கன்... சிக்கிய கும்பல்... இளைஞர்களை உஷார் ..!

திண்டுக்கல் மாவட்டம் கொடைக்கானல் சுற்றுலா தளத்தில் போதை காளான்கள் விற்பனை செய்யப்படுவதாக தகவல் கிடைத்த நிலையில், போலீசார் அதிரடி சோதனை நடத்தினர். ஏரிச்சாலை, பாம்பார் புரம், பேரிபால்ஸ் உள்ளிட்ட பகுதிகளில் பிறமாநில இளைஞர்களை குறிவைத்து, போதை காளான் விற்க முயன்ற 5 பேரை போலீசார் கைது செய்தனர். இவர்களிடமிருந்து சுமார் 200 கிராம் போதை காளன்களை பறிமுதல் செய்துள்ளனர். மேலும் போதை காளானை வாங்க முயன்ற கல்லூரி மாணவர்களின் மீது வழக்குப்பதிவு செய்து போலீசார் விடுவித்துள்ளனர். கொடைக்கானலில் போதை காளான் விற்பனை செய்தால் வழக்குப்பதிவு செய்யப்படும் என்றும், போதை காளான் சாப்பிடுவது போன்று வீடியோ பதிவிடுவோரின் இன்ஸ்டாகிராம் கண்காணிக்கப்படுவதாகவும் போலீசார் எச்சரித்துள்ளனர்.