மனைவி குடும்பத்தை இரும்பு கம்பியால் கொடூரமாக தாக்கிய கணவன்.. வெளியான அதிர்ச்சி வீடியோ

திண்டுக்கல் மாவட்டம் வேடசந்தூரில் மனைவி குடும்பத்தினரை, ஒருவர் இரும்பு கம்பியால் கொடூரமாக தாக்கும் வீடியோ வெளியாகி அதிர்ச்சியை ஏற்படுத்தியுள்ளது.

வேடசந்தூரைச் சேர்ந்த பாத்திரைக்கடை வியாபாரி சக்திவேல், தனது மகள் திவ்யபாரதியை செம்பட்டி கிராமத்தை சேர்ந்த தமிழ்பாண்டிக்கு 6 ஆண்டுகளுக்கு முன் திருமணம் செய்து கொடுத்துள்ளார். கணவன் வீட்டில் வரதட்சணை கேட்டு கொடுமைப்படுத்தியால் விரக்தி அடைந்த திவ்யபாரதி, தனது தாய் வீட்டிற்கு வந்துவிட்டார். எவ்வளவு சமாதானம் பேசியும் கணவரோடு சேர்ந்து வாழ அவர் மறுத்துள்ளார். இதனால் ஆத்திரம் அடைந்த தமிழ்பாண்டி, தனது உறவினர்களுடன் திவ்யா வீட்டிற்கு சென்று, இரும்பு கம்பி கொண்டு அனைவரையும் கொடூரமாக தாக்கியுள்ளார். இது தொடர்பான சிசிடிவி காட்சிகள் வெளியான நிலையில், சம்பவம் குறித்து வேடசந்தூர் போலீசார் விசாரித்து வருகின்றனர்.