திறக்கப்படாத மேட்டூர் அணை... அரசுக்கு டெல்டா விவசாயிகள் வைக்கும் கோரிக்கை

திறக்கப்படாத மேட்டூர் அணை... அரசுக்கு டெல்டா விவசாயிகள் வைக்கும் கோரிக்கை

மேட்டூர் அணையிலிருந்து தண்ணீர் திறக்கப்படாததால், குறுவை சாகுபடி செய்ய முடியாத நிலை ஏற்பட்டுள்ளதாக விவசாயிகள் வேதனை தெரிவித்துள்ளனர். ஜூன் 12ம் தேதி மேட்டூர் அணையிலிருந்து தண்ணீர் திறக்கப்படாததால், டெல்டா மாவட்டங்களில் குறுவை சாகுபடி கேள்விக்குறியாகியுள்ளது. திருவாரூர், திருத்துறைப்பூண்டி, முத்துப்பேட்டை உள்ளிட்ட பகுதிகளில் கடந்த மாதம் பெய்த மழையால், விவசாய நிலங்கள் ஈரமாக இருந்தது. இதனால் விவசாயிகள் நிலங்களை உழுது வைத்தனர். எனினும், அணையில் தண்ணீர் திறக்கப்படாததால் விவசாயிகள் சாகுபடி பணிகளை மேற்கொள்ளாமல் இருக்கின்றனர். இதனிடையே, கர்நாடக அரசிடம் பேசி, தமிழக அரசு காவிரி நீரை பெற்றுத் தர வேண்டும் என விவசாயிகள் கோரிக்கை விடுத்துள்ளனர்.