ஆடலும்.. பாடலும் நிகழ்ச்சி..! திடீரென மோதிக் கொண்ட இளைஞர்கள்.. திருப்பத்தூர் அருகே பரபரப்பு

திருப்பத்தூர் மாவட்டம் திரியாலம் கிராமத்தில், கட்டேரி மாரியம்மன் கோயில் திருவிழாவினை ஓட்டி, நடன நாட்டியாலயா நிகழ்ச்சி நடைபெற்றது. அப்போது சினிமா பாடல்களுக்கு மேடைக்கு கீழே நடனமாடிக்கொண்டிருந்த இளைஞர்களுக்கு இடையே, மோதல் ஏற்பட்டு ஒருவரை ஒருவர் தாக்கிக்கொண்டனர். இதனால் பரபரப்பு ஏற்பட்டது. பாதுகாப்பு பணிக்கு வந்த போலீசார் உறங்கியதாலேயே, இளைஞர்கள் மோதிக்கொண்டதாக, பொதுமக்கள் குற்றஞ்சாட்டியது குறிப்பிடத்தக்கது.