2 வழக்குகள் ரத்து...2 வழக்குகள் மறுப்பு - நீதிபதி கொடுத்த ஷாக்

முதல்வர் ஸ்டாலின், அரசு குறித்து அவதூறு பேசியதாக முன்னாள் அமைச்சர் சி.வி.சண்முகம் மீது 4 வழக்குகள் விழுப்புரம் நீதிமன்றத்தில் தொடரப்பட்டன. இந்த வழக்குகளை ரத்து செய்யக் கோரி சி.வி.சண்முகம் தொடர்ந்து வழக்கை விசாரித்து வந்த சென்னை உயர்நீதிமன்றம், இன்று தீர்ப்பு வழங்கியது. தமிழ்நாடு அரசு, முதலமைச்சர் குறித்து அவதூறாக பேசியது தொடர்பான 2 வழக்குகளை நீதிபதி ஆனந்த் வெங்கடேஷ் ரத்து செய்தார். தொழிலாளர் சட்டம் குறித்தும், 420 அரசு என பேசியதற்காக பதிவு செய்யப்பட்ட இரு வழக்குகளை ரத்து செய்ய மறுத்து நீதிபதி, விசாரணையை எதிர்கொள்ள முன்னாள் அமைச்சர் சி.வி.சண்முகத்திற்கு உத்தரவிட்டார்.