தந்தி டிவி செய்தி எதிரொலி.. கிராம மக்களுக்கு புதிய வெளிச்சம்

தந்தி டிவி செய்தி எதிரொலியாக, கடலூர் மாவட்டம் சிதம்பரம் அருகே பெருங்காலூர் கிராமத்தில் புதிய டிரான்ஸ்பார்மரை மின்வாரிய அதிகாரிகள் அமைத்துள்ளனர். கூடுதலாக இன்னொரு புதிய டிரான்ஸ்பார்மர் மிக விரைவில் அமைக்க நடவடிக்கை எடுக்கப்படும் எனவும் அதிகாரிகள் கூறியுள்ளனர். டிரான்ஸ்பார்மர் பழுது குறித்து கடந்த 9ஆம் தேதி தந்தி டி.வியில் செய்தி வெளியானதை கவனித்த அதிகாரிகள், இந்த நடவடிக்கை எடுத்துள்ளனர். செய்தி வெளியிட்டு மின்விநியோகத்திற்கு ஏற்பாடு செய்த தந்தி டி.விக்கு ஊர்மக்கள் நன்றி கூறியுள்ளனர்.