கட்டண விவகாரம் - கல்லூரி மாணவி தற்கொலை முயற்சி

கட்டண விவகாரம் - கல்லூரி மாணவி தற்கொலை முயற்சி

சென்னையில் கல்லூரிக் கட்டணம் செலுத்தாததால் தேர்வெழுத அனுமதி மறுத்த விவகாரத்தில், எலி மருந்து சாப்பிட்டு மாணவி தற்கொலைக்கு முயன்ற சம்பவம் பரபரப்பை ஏற்படுத்தியுள்ளது.

வேளச்சேரி ஏஜிஎஸ் காலனியை சேர்ந்த மாணவி, வேளச்சேரியில் உள்ள தனியார் கல்லூரியில் மூன்றாம் ஆண்டு பிஏ எக்கனாமிக்ஸ் படித்து வருகிறார். செமஸ்டர் தேர்வு நடக்கும் சூழலில், கட்டணம் தொடர்பாக பிரச்சனை உள்ளதாக கூறப்படுகிறது. இதனால் கல்லூரி நிர்வாகம், மாணவிக்கு ஹால் டிக்கெட் கொடுக்காமல் இழுத்தடித்ததாக கூறப்படுகிறது. அரசு நிர்ணயித்த கட்டணத்தைவிட கல்லூரி நிர்வாகம் அதிக கட்டணம் செலுத்தச் சொல்வதாகக்கூறி, கல்லூரி வளாகத்திலேயே மாணவி தர்ணாவில் ஈடுபட்டார். இந்நிலையில், திடீரென எலி மருந்து உட்கொண்டு மயக்கமடைந்தார். இதையடுத்து தனியார் மருத்துவமனையில் மாணவி அனுமதிக்கப்பட்டு, அங்கு சிகிச்சை அளிக்கப்பட்டு வருகிறது. சம்பவம் தொடர்பாக கிண்டி போலீசார் விசாரணை நடத்தி வருகின்றனர்.