சூப்பர் பவர் எதுவும் இல்லை பரவிய வதந்திகள் தப்பானவை - கண்ணீர் வடிக்கும் தாயார்

ஈரோடு மாவட்டம் பெருந்துறை அருகே மேக்கூர் கிராமத்தைச் சேர்ந்த மாணவர் பிரபு, கோவை மாவட்டம் மலுமிச்சம்பட்டி அருகே மைலேரிபாளையத்தில் உள்ள பொறியியல் கல்லூரியில் பி.டெக் பயின்று வருகிறார். இந்நிலையில், மாணவர் விடுதியின் 4வது மாடியில் இருந்து குதித்த நிலையில், தனியார் மருத்துவமனையில் சிகிச்சை பெற்று வருகிறார். இந்நிலையில், செய்தியாளர்களிடம் பேசிய பிரபுவின் தாயார் நாகலட்சுமி, தனது மகனுக்கு சூப்பர் பவர் ஏதுமில்லை என்றும், தவறான தகவல் வெளியாகி இருப்பதாகவும் தெரிவித்தார். தனது மகனுக்கு தலை மற்றும் முதுகெலும்பு, கால்கள் என பல்வேறு இடங்களில் எலும்பு முறிவு ஏற்பட்ட நிலையில், மகனைக் காப்பாற்ற போராடி வருவதாகவும் தெரிவித்தார்.