ஃபார்முலா 4 கார் பந்தயம் முடிந்ததும் முதல்வர் வெளியிட்ட பதிவு

ஃபார்முலா 4 கார் பந்தயத்தை வெற்றியடையச் செய்ததற்காக, அமைச்சர் உதயநிதி மற்றும் விளையாட்டு துறையினருக்கு முதலமைச்சர் ஸ்டாலின் வாழ்த்து தெரிவித்துள்ளார். இது குறித்து தனது எக்ஸ் தள பக்கத்தில் பதிவிட்டுள்ள ஸ்டாலின், செஸ் ஒலிம்பியாட், சென்னை ஓபன், ஏசியன் சாம்பியன்ஸ் டிராபி, ஸ்குவாஷ் உலககோப்பை மற்றும் கேலோ இந்தியா உள்ளிட்ட போட்டிகளின் மூலம் விளையாட்டு துறையில் தமிழகம் முன்னேறிச் செல்வதாக குறிப்பிட்டுள்ளார். மேலும், உலகத் தரம் வாய்ந்த கட்டமைப்புகள் மற்றும் முதலீடுகள் மூலமாக வெறும் போட்டிகள் நடத்துவதை கடந்து, வருங்கால இந்திய விளையாட்டு துறைக்கு முன்னோடியாக தமிழகம் திகழ்வதாகவும் அவர் தெரிவித்துள்ளார்.