"சினிமா நடிகர்கள் நிஜமான ஹீரோ அல்ல.. உங்கள் தந்தை தான் நிஜமான ஹீரோ" - நடிகர் தாமு பரபரப்பு பேச்சு

கடலூரில், பள்ளி மாணவர்களிடையே போதை ஒழிப்பு விழிப்புணர்வு நிகழ்ச்சி நடைபெற்றது. கடலூர் மாவட்ட காவல்துறை சார்பில், மஞ்சக்குப்பம் அண்ணா விளையாட்டு மைதானத்தில், போதை ஒழியட்டும், பாதை ஒளிரட்டும் என்ற தலைப்பில் நடைபெற்ற இந்த நிகழ்ச்சியில், 28 அரசுப்பள்ளிகளைச் சேர்ந்த சுமார் 5 ஆயிரம் மாணவ, மாணவிகள் கலந்துகொண்டனர். மாவட்ட ஆட்சியர் அருண்தம்புராஜ், திரைப்பட நடிகர் தாமு உள்ளிட்டோர் கலந்துகொண்டனர். நிகழ்ச்சியில் பேசிய தாமு, வாழ்க்கையில் சுமோக்கிங், டிரிங்கிங் ஆகிய 2 கிங்கை வெளியேற்றினால், நீங்கள் கிங்காக இருப்பீர்கள் என மாணவர்களுக்கு அறிவுறுத்தினார்.