கோயில் அர்ச்சகர் பாலியல் வழக்கு.. மீண்டும் போலீஸ் ஸ்டேஷன் படி ஏறிய டிவி ஆங்கர்

காளிகாம்பாள் கோயில் அர்ச்சகரின் உறவினர் தனக்கு கொலை மிரட்டல் விடுப்பதாக கூறி தனியார் தொலைக்காட்சி பெண் தொகுப்பாளர் மீண்டும் போலீசில் புகாரளித்திருக்கிறார்.

ஏற்கனவே, காளிகாம்பாள் கோயிலில் அர்ச்சகராக பணியாற்றி வந்த கார்த்திக் என்பவர், தன்னை திருமணம் செய்து கொள்வதாக கூறி ஏமாற்றியதாக இவர் சென்னை விருகம்பாக்கம் போலீசில் புகாரளித்திருந்தது குறிப்பிடத்தக்கது. இதனடிப்படையில், கார்த்திக்கை போலீசார் கைது செய்த நிலையில், தற்போது அவரின் தாய் மாமா தனக்கு செய்வினை வைத்திருப்பதாக கூறி கொலை மிரட்டல் விடுப்பதாக அப்பெண் மீண்டும் போலீசில் புகாரளித்திருக்கிறார். தன் உயிருக்கு பாதுகாப்பு அளிக்கும் படி அவர் புகாரளித்திருக்கும் நிலையில், போலீசார் விசாரணை மேற்கொண்டு வருகின்றனர்.